Sunday, November 16, 2014
მეცხრე დღის რეფლექსია
ეს ყველაზე საინტერესო და სახალისო დღე იყო. წარვადგინეთ ჩვენი პროექტები ჯგუფში, ერთმანეთს მივეცით რეკომენდაციები და კეთილი რჩევები. ძალიან მრავალფეროვანი იყო სხვადასხვა საგნის მასწავლებელების პრეზენტაცია. დავამთავრეთ ეს ტრენინგ პროგრამა. იყო შრომატევადი, მაგრამ სასარგებლო და ნაყოფიერი. ძალიან კმაყოფილი ვარ და მიხარია რომ აქ ვიყავი.
Saturday, November 15, 2014
მერვე დღის რეფლექსია
დავასრულეთ მუშაობა შაბლონზე. მოვაწესრიგეთ პორტფოლიო და დასრულებული სახით გამოვაქვეყნეთ ბლოგზე.
Sunday, November 9, 2014
მეშვიდე დღის რეფლექსია
ვისწავლეთ ბლოგზე ლინქების ჩასმა. ვიდეოს ჩასმა. შაბლონში შევავსეთ შეფასების რუბრიკა რომელიც მოვიძიეთ ინტელის ბიბლიოთეკაში და მოვახდინეტ ადაპტირება. საშინაო დავალებად მივიღეთ სასწავლო პროცედურების დოკუმენტში ჩავწეროთ ჩვენი პროექტის მთლიანი მსვლელობა.
Saturday, November 8, 2014
მეექვსე დღის რეფლექსია
ბლოგზე ავტვირთეთ და გამოვაქვეყნეთ მოსწავლის სავარაუდო ნაშრომი. შაბლონში ჩავწერეთ შეფასების ფორმები, რომლებსაც პროექტის მსვლელობისას გამოვიყენებთ. ბლოგს შევუცვალეთ დიზაინი და შევქმენით ახალი გვერდები. საინტერესო დღე იყო.
Friday, November 7, 2014
Sunday, November 2, 2014
მეხუთე დღის რეფლექსია
დავამთავრეთ მუშაობა პორტფოლიოს პრეზენტაციაზე და გამოვაქვეყნეთ ჩვენს ბლოგზე. ვისაუბრეთ საავტორო უფლებებზე. საშინაო დავალებად მივიღეთ ვიფიქროთ და მონახაზი გავაკეთოთ თუ როგორ შეასრულებს მოსწავლე ჩვენი პროექტის ფარგლებში მიცემულ დავალებას და როგორ წარმოგვიდგენს მას პრეზენტაციის სახით.
Saturday, November 1, 2014
მეოთხე დღის რეფლექსია
განვაგრძეთ შაბლონის შევსება. დავწერეთ პროექტის მიზნები და ამოცანები, რომელიც განვათავსეთ ბლოგზე, განვიხილეთ ჯგუფში და ერთმანეთს მივეცით სასარგებლო რჩევები. ამის შემდეგ ასევე ბლოგზე გამოვაქვეყნეთ ჩვენი პროექტის ზოგადი, თემატური და შინაარსობრივი კითხვები. შევიტანეთ განხილვის შედეგად კორექტივები. საშინაო დავალებად მივიღეთ სახლში ერთმანეთისთვის ბლოგზე საქმიანი კომენტარები დაგვეტოვებინა.
მიმართულების მიმცემი საკვანძო კითხვები
ზოგადი კითხვა:
ცვლილებების მიზეზი მხოლოდ დროა?
თემატური კითხვა:
. სად იბადებიან, იზრდებიან და ასრულებენ მოგზაურობას მდინარეები?
. ცვლიან თუ არა მდინარეები ბუნებას?
. რა დანიშნულება აქვს მდინარე ლოპოტას სოფლის ცხოვრებაში?
შინაარსობრივი:
. საიდან იღებს მდინარე ლოპოტა სათავეს?
. წელიწადის რომელ დროს ხასიათდება ლოპოტა წყალდიდობით და წყალმცირობით?
. რომელი ცხოველები, ფრინველები და მცენარეები ბინადრობენ მდინარე ლოპოტის ჭალაში?
Friday, October 31, 2014
მოსწავლეები შეძლებენ მოიძიონ ინფორმაცია მდინარის საზრდოობის რეჟიმის, მისი რეკორდული მახასიათებლების, სიგრძის, სათავის, შესართავის, დანიშნულების და მის მიერ გამოწვეული კატასტროფების შესახებ .
დაგეგმილი ექპედიციის ფარგლებში გამოიკვლიონ მდინარის ჭალის ეკოსისტემა. გაზომონ მდინარის სიგანე, სიღრმე,სიჩქარე. ჰერბარიუმისათვის მოაგროვონ მცენარეები. დაახარისხონ , მოძებნონ ანალოგიები საქართველოს სხვა ეკოსისტემებთან.
იმსჯელონ მისი ეკოსისტემის მომავლის შესახებ.
გააანალიზონ მიღებული ინფორმაცია და გამოიტანონ დასკვნა ემუქრება თუ არა სოფელს მდინარე ლოპოტისაგან საფრთხე.
გამართავენ ჩატარებული სამუშაოების პრეზენტაციას.
დაგეგმილი ექპედიციის ფარგლებში გამოიკვლიონ მდინარის ჭალის ეკოსისტემა. გაზომონ მდინარის სიგანე, სიღრმე,სიჩქარე. ჰერბარიუმისათვის მოაგროვონ მცენარეები. დაახარისხონ , მოძებნონ ანალოგიები საქართველოს სხვა ეკოსისტემებთან.
იმსჯელონ მისი ეკოსისტემის მომავლის შესახებ.
გააანალიზონ მიღებული ინფორმაცია და გამოიტანონ დასკვნა ემუქრება თუ არა სოფელს მდინარე ლოპოტისაგან საფრთხე.
გამართავენ ჩატარებული სამუშაოების პრეზენტაციას.
მესამე დღის რეფლექსია
დავამთავრეთ მუშაობა ბროშურაზე. განვიხილეთ სტანდარტები და ინდიკატორები, რომლებიც დაგვჭირდება ჩვენი პროექტის განხორციელებისათვის. დავიწყეთ მუშაობა პროექტის გეგმის შაბლონზე. დავალება: განვსაზღვროთ პროექტის ძირითადი მიზნები.
მეორე დღის რეფლექსია
ერთმანეთს გავაცანით ჩვენი პროექტის იდეები. მივეცით სასარგებლო რჩევები. პროექტის იდეა განვათავსეთ ჩვენს ბლოგზე. მივიღე და გავაკეთე სხვების პროექტებზე კომენტარები. შევქმენით ბროშურის მონახაზი. საშინაო დავალებად მივიღეთ გაგვეხსენებინა პროექტებით სწავლების მნიშვნელობა და 21 - ე საუკუნის უნარები. გვეფიქრა განსახორციელებელი პროექტით განსავითარებელ უნარებზე.
Sunday, October 26, 2014
ჩემი პროექტის იდეა
იბადებიან წყაროები, გადაიქცევიან ნაკადულებად , უერთდებიან ერთმანეთს და მდინარეს წარმოქმნიან. წყალთა დინება თავის კვალს ტოვებს, წარმოქმნის თავის სავალ გზას (კალაპოტს), მისთვის დამახასიათებელ და განუმეორებელ ჭალას.უძველესი დროიდანვე ადამიანები საცხოვრებელ ადგილად უმეტესად მდინარეების სანაპიროებს ირჩევდენენ, ვინაიდან მტკნარი წყლის გარეშე სიცოცხლე წარმოუდგენელია. იყენებდნენ გადაადგილების , როგორც ყველაზე იაფ და სწრაფ საშუალებას. ისტორიას რომ გადავხედოთ ცივილიზაციების უმეტესობა დიდი მდინარეების წიაღში წარმოიშვა. ასე რომ მდინარეები ადამიანების უმნიშვნელოვანესი თანაშემწენი იყვნენ.
სამწუხაროდ, ისინი ხშირად იყვნენ მათი ტრაგედიის მიზეზნიც ( წყალდიდობის, წყალმოვარდნის, ღვარცოფის და სხვა მიზეზთა გამო). კიდევ უფრო სამწუხაროა, რომ ეს სტიქიური უბედურებანი დღეს უფრო ინტენსიური გახდა. ამის მიზეზი მრავალია. პრობლემის წარმომშობი შეიძლება იყოს, როგორც გლობალური, ასევე ლოკალური. იქნებ მდინარეები ჩვენი საქციელის გამო გვიხდიან სამაგიეროს. იქნებ ვერ იტანენ "არტახებში" მოქცევას, თავისუფლების წართმევას, მათი ჭალის ეკოსისტემის უმოწყალო განადგურებას და ამიტომ იმატა მსგავსმა კატასტროფებმა.
ჩემი იდეა მდგომარეობს იმაში, რომ მოსწავლეებმა შეისწავლონ მათი მშობლიური მდინარე ლოპოტა, მისი ჭალის ეკოსისტემა და დაადგინონ სოფელი და მდინარე ერთმანეთის "მტრები" არიან თუ " მეგობრები".
მოსწავლეებმა მოიძიონ ინფორმაცია მშობლიური მდინარის შესახებ. გამოიკვლიონ მისი ჭალის ეკოსისტემა, გაზომონ მისი მარტივი მახასიათებლები,
გამოკითხონ სოფლის უხუცესები მდინარის საზრდოობის რეჟიმის და ისტორიის შესახებ. დაახარისხონ და
გაანალიზონ მიღებული ინფორმაცია
და გააკეთონ მარტივი პროგნოზი ჭალის ეკოსისტემის მდგომარეობის შესახებ და ემუქრება
თუ არა მდინარისაგან სოფელს საფრთხე.
Saturday, October 25, 2014
პირველი დღის რეფლექსია
ტრენინგის პირველ დღეს მოვაგვარეთ საორგანიზაციო საკითხები. ტრენერმა გაგვაცნო ამ ტრენინგის ფარგლებში დაგეგმილი საკითხები და მისი შინაარსი. შევქმენით ჩვენი ბლოგი. მეორე დღისთვის მოგვეცა საშინაო დავალება მოგვეფიქრება პროექტის იდეა. მოლოდინი საკმაოდ კარგი მაქვს და იმედია წარმატებით გავართმევ თავს.
Subscribe to:
Posts (Atom)